--Ads--
Saan nga interesado ni Senator Cynthia Villar nga agbalin nga speaker iti House of the Representatives, no mabutosan kas representative ti Las Piñas iti umadanin nga eleksyon.
Sigun kenni Villar, awan ti ambisyonna nga agbalin kas speaker gapu ta ti tarigagayna iti agdama ket simple ken produktibo a panagbiag.
Dayta ti impeksa ti senador no nakasagana daytoy nga agbalin kas maikadua a babai nga speaker iti House of the Representatives.
Maipalagip a ti kaunaan a babai nga speaker ti kongreso ket ni sigud a presidente a ni Gloria Macapagal-Arroyo.
Impetteng ni Villar a saan daytoy a kas kenni Arroyo a sigud a nagbalin a presidente sakbay nga inakemna ti panagbalin nga speaker.
