--Ads--
Naarestar ngem nakaruar metlaeng manipod iti pagbaludan ti maysa a minero a naduktalan a nagtakaw iti rock ore wenno naba idiay Isri, Poblacion, Itogon, Benguet.
Maibasar iti report dagiti kapulisan, naranaan dagiti nagpatrolya a security guards ti nasao a minero a mangikarkarga iti naba iti botas daytoy.
Kasaruno dayta, inuray dagiti security guards daytoy iti mainline ken kinapkapanda.
Idi naduktalan ti kaadda ti naba iti botas ti minero, saanna daytoy a nainkalintegan wenno najustify rason a naarestar.
Naipasidong ngarod daytoy iti kustodiya iti Itogon Municipal Police Station ngem nakapagpiansa metlaeng.
Ti minero ket agtawen iti 34 ken residente iti Pinsao Proper, Baguio City.//Bombo Genzel Depayso
