Naballigi a naisayangkat ti ground ti BRP Cabra ti Philippine Coast Guard kontra iti China Coast Guard vessel 3105—maysa a nagdakkel a 130-metro a barko—idi Sabado iti laksid ti saan a nasayaat a kasasaad ti baybay.
Sigun iti ti PCG, napagtalinaed ti 44-meter BRP Cabra posisionna iti nasurok a 95 nautical miles iti baybay ti Zambales.
Agtultuloy ti panangkarit ti PCG iti iligal a kaadda dagiti barko ti China iti Exclusive Economic Zone (EEZ) ti Pilipinas, babaen ti panangdakamatda a panaglabsing iti internasional a linteg ti ar-aramidenda, pakairamanan ti United Nations Convention on the Law of the Sea (UNCLOS) ken ti 2016 Arbitral Award.
Pinasingkedan manen ni PCG Commandant Admiral Ronnie Gil Gavan ti commitment ti pagilian a mangsalaknib iti soberania ti Pilipinas, nga inkarina nga awan ti uray maysa a pulgada a teritorio ti Pilipinas ti maipaay kadagiti ganggannaet a pannakabalin.
