Impeksa ni President Ferdinand “Bongbong” Marcos Jr. a makitana ti panagadu ti “people-to-people exchanges” iti nagbaetan ti Pilipinas ken United Kingdom, a nangitampok iti natibker a relasion ti dua a pagilian.
Daytoy ti kinunana bayat ti pannakilangenna ken ni UK Secretary of State for Foreign, Commonwealth, and Development Affairs David Lammy sadiay Malacañang.
Impaganetget ni President Marcos ti dakkel a panagadu dagiti Pilipino nga agnanaed ken mangmangged idiay UK, nga inybekasna kenni Lammy ti panagyaman dagiti UK-based Filipinos iti panangabrasa kadakuada.
Maibasar iti impormasion a nagun-od ti Presidential Communications Office, mappat-patta a dumanon iti 200,000 a Pilipino ti adda sadiay UK, a mangmangged iti nagduduma a sektor ti IT aviation, hospitality and service, ken healthcare.
Naobserbaran ti panagngato ti bilang dagiti Filipino engineers ken IT experts a mangmangged kadagiti British telecommunications, software, ken e-commerce solutions companies sipud pay idi 2001.
Ni Lammy ket adda iti Pilipinas tapno maitandudo ti panagtinnulong ti Pilipinas ken UK.
Karaman kadagiti isyu a napagsasaritaan da Marcos ken Lammy bayat ti panagtaripnong ket ti trade and investments, maritime, climate change, ken ti aglawlaw.
