Agtultuloy ti implementasyon dagiti kameng ti Benguet Provincial Polive Office ken dagiti kameng ti 13 a municipal police station iti probinsya ti Benguet iti Oplan Katok.
Iti panakiuman ti Bombo Radyo kenni PMAJ Erwin Sergio, Public Information Officer ti Benguet Provincial Police Office, kinunana a saan a sumardeng ti pwersa ti kameng ti pulisya iti probinsya ti Benguet iti inisyatiba nga Oplan Katok.
Daytoy ket tapno maallukoyda amin dagiti indibidual nga addaan iti possession kadagiti firearms a no mabalbalin ket i-surrenderda dagiti paltog nga iggemda nangruna kadagiti addaan iti pending ti aplikasyonda iti License to possess firearms wenno license to own firearms.
Imbinglay pay ni PMAJ Sergio a babaen iti nasao a programa ket addan dagiti residente iti probinsya ti Benguet a nangisurrender iti immetda a firearms.
