Nangrugin ti transport strike ti grupo a MANIBELA ita nga aldaw.
Daytoy ti umuna nga aldaw ti tallo nga aldaw nga ipatungpalda a transport strike kagiddan ti panagprotestada maipapan iti PUV Modernization program.
Sigun iti MANIBELA, ti panagstrike dagitoy ket mainaig iti misrepresentation a napasamak iti consolidation figures kadagiti public utility vehicle operators ken drivers.
Iti nasao nga aktibidad, dumanon iti uppat a pulo a jeeps ti nakipaset iti daytoy.
Kabayatanna, sumagmamano met a pasaheros nangruna sadiay National Capital Region ket saanda a napakaammoan maipapan iti nasao nga strike.
Immunan met nga imbaga ti Department of Transportation a mangipaay dagitoy iti lugan a pagluganan dagiti pasaheros kagiddan ti nasao a tigil-pasada.
Naideploy metten dagiti agarup 8,000 policemen sadiay Metro Manila tapno agbantay kadagiti sumagmamano a lugar a maapektaran iti nasao nga aktibidad.
