Nangipaulog ti Department of Social Welfare and Development (DSWD) iti naing-inget a pagannurotan para iti pannakaipatungpal ti programa nga Ayuda sa Kapos ang Kita (AKAP), a kontobersial sipud idi naiyuswat daytoy.
Sigun kenni Social Welfare Secretary Rex Gatchalian, nalawag nga inkeddengda dagiti benepisiario manipud kadagiti “low income earners” agingga iti “below minimum wage earners.”
Sumagmamano gamin kadagiti indibidual a mangbabalaw iti Ayuda sa Kapos ang Kita (AKAP) ket mangibagbaga a gundaway daytoy para iti panagaramat ti maysa a pulitiko kas “grants-based program.”
Iti sidong ti baro a pagannurotan, dagiti laeng tattao a “below minimum wage” ti agaplikar iti pinansial a tulong depende kadagiti kasapulanda a kas ti medikal ken “burial” a gastos kasta met kadagiti gastos iti taraon ken “transportation.”
Mabalin a maipaay ti agingga P10,000 para iti “medical purposes,” ken agingga P50,000 para iti “burial expenses.”
Nakalatang iti nasao a programa ti P26 iti agdama a tawen, a puntiria a matulongan ti nasurok a 5 a milion a benepisiario.
Inlawlawag ni Gatchalian a ti aplikante ket kasapulan a panekneknanna ti kasapulanda.
“Laging may reason, ang social welfare o tulong pinansyal, laging may reason yan. Is it medical? Is it burial? Is it for transportation and food? Yan ang issues na tinatalakay natin.”
“Social worker ang magdidikta nung range, sa guidelines, may range siya, bawat item, may range kung magkano ang pwedeng makuha.”
“Ine-emphasize pa rin na hindi ito pwede magamit for anyone’s political gain, and we are prohibiting any political activity during the course of our payout.”
Social Welfare Secretary Rex Gatchalian
