Inyebkas ni ACT-CIS Representative Erwin Tulfo a suportaranna ti gakat a mangipawil ti political dynasty.
Daytoy ket kinunana bayat ti panagkampania ti partidona.
Iti maysa nga ambush interview, impeksana a napagsaritaanda ti nasao a banag kadagiti kakabsatna a kas da Senador Raffy Tulfo ken Ben Tulfo.
Maipalagip a naipila iti Commission on Elections (Comelec)ti maysa a petision a mangdiskwalipikar kadagiti lima a kameng ti pamilia Tulfo nga agngayngayangay para iti Senado ken iti House of Representatives iti masungad nga eleksion.
Kayat dagiti nagpetision a madiskwalipikar dagiti Tulfo nga agtaray iti umadanon nga eleksiona kas ni Erwin ken broadcast journalist Ben Tulfo nga agpada nga agngayngayang iti Senado; ACT-CIS Rep. Jocelyn Pua-Tulfo ken Quezon City Rep. Ralph Tulfo a kayatda nga agsubli iti Kamara; ken sigud a Tourism Secretary Wanda Tulfo Teo a nominee ti maysa a partylist.
Nupay kasta, imbasura daytoy ti First Division ti Comelec gapu iti kinakurang ti dokumento, agraman ti certificates of candidacy (COC) ti respondents.
