Nangrugin ti voting period kadagiti Overseas Filipino workers para iti 2025 midterm elections ita nga aldaw.
Ti opisyal nga overseas voting period ket nangrugi iti oras ti alas otso ti agsapa ken daytoy ket agtultuloy agingga Mayo a dose iti agdama a tawen.
Sigun kenni Commission on Elections Chairman George Garcia, ti panagbotos dagiti kababayan wenno Pilipino sadiay ballasiw-taaw ket mabalin a babaen iti internet voting wenno ti panagturong dagitoy iti embahada ti pagilian.
Pito pulo ket pito a post iti ballasiw-taaw ket babaen iti internet voting bayat a sangapulo ket innem a post ket babaen iti embahada.
Dagiti botante a Pilipino nga adda sadiay New Zealand ti immunan a nagbotos a sinaruno dagiti nagduduma a pagilian.
Kinuna ni Garcia, dumanon iti 1.231 million dagiti Pilipino nga adda iti ballasiw-taaw.
Nupay kasta, saan nga amin dagitoy ket nagparehistro iti pre-voting enrollment system.
