Impakammo ti Regional Police Drug Enforcement Unit, Police Regional Office Cordillera Administrative Region (RPDEU PROCAR) nga umuna a gundaway a ti na-ecounterda a suspek iti buy-bust operation ket manipud iti munisipyo ti Itogon kalpasan ti manu a tawen.
Daytoy ket kalpasan ti naisayangkat a buy bust operation sadiay Lions head, Purok zigzag Camp 7, Baguio City idi kalman.
Maipalagip nga iti naisayangkat nga operasyon, dua nga indibidual nga agilaklako iti walo a pidaso ti marijuana stalks ken leaves ti naarestar nga addaan iti gatad a dumanon iti P960-K.
Dagitoy ket residente ti Itogon, Benguet.
Maysa kadakuada ket nabigbig kas street level individual bayat a ti maysa ket high value individual.
Kabayatan ti buy bust operation ken inventory, maysa kadakuada ket agrekreklamo gapu ta sigun kenkuana ket naset-up dagitoy.
Dinamag ti maysa kadagiti pulis nu nangalaanda kadgaiti iligal a droga ngem awan ti umno a sungbatda.
Nag-advise met ti maysa nga Atty. nga ireserbana ladtan ti statementda iti Korte mainaig iti nasao a banag.
Iti sabali a bangir, maatap nga adda iti marijuana plant cultivation ken plantation it masakupan to Philex, Itogon, Benguet.
Nagballaag met dagiti otoridad nga isardeng dagiti marijuana cultivator ti panagmula kadagiti marijuana tapno magun-od iti drug-cleared a komunidad.//Bombo Noveh Organo
