Naragsak a nirambakan da Carolyn Andres Celestino, 57-anyos ken Ricardo Celestino Jr., 62-anyos ti annibersaryo dagitoy iti siudad ti Baguio ken iti nagduduma a munisipyo ti Benguet kalpasan a ti pamilyada ti napili kas Lucky Summer Visitors ita a tawen.
Sigun kenni Carolyn, babaen iti nasao a kapadasan ket nagbalin a dream come true ti nabayag nga arapaapna nga strawberry picking iti Strawberry Farm ti La Trinidad, Benguet kalpasan ti lima pulo ket innem a tawen.
Innayon ni Carolyn a kadagiti nagduduma a destinasyon a nagturonganda ket “worth it” iti laksid a kasla sumuko dagiti saka dagitoy.
Gapu iti dayta, kinunada a ti kapadasanda iti siudad ken probinsya ti Benguet ket memorable.
Kabayatanna, innayon ti maysa a miyembro iti nasao a Lucky Summer Visitors a babaen iti red carpet treatment a naipaay kadakuada ket nariknada ti feeling ti maysa nga artista wenno kas VIP.
