Mapalpalagipan dagiti kandidato nga adaan iti OJTs wenno Interns a saanda ibaon dagitoy a tumulong iti panagkampanya.
Kasaruno ti maatap nga adda iti kandidato a mangibabaon kadagiti OJTs nga agkampanya dagitoy para kadakuada.
Saan laeng a naipadamag ti nasao a banag nu diket adda pay ti reklamo a naawat ti Baguio City Council seknan iti nasao nga isyu.
Maipalagip nga adda ti nagwaras iti social media maipapan iti “employee misbehaviour.”
Nupay kasta, impeksada nga awan ti naawatda a reklamo seknan iti nasao a banag ngem adda iti “manifestation” a naaramid.
Maipalpalagip met kadagiti agdama nga agngayngayangay a kandidato a liklikan dagitoy ti mangibinglay wenno mangibaga kadagiti naaprobaran a “proposals” wenno singasing no manarimaan ti panagkampanya dagitoy.
Inyunay-unay ti maysa nga opisial a liklikan nga ibaga dagiti opisial dagiti “proposals” agsipudta mangipaay daytoy iti “misleading informations” iti publiko//Bombo Noveh Organo
