Nakemmeg ti maysa nga indibidual iti siyudad ti Baguio kalpasan a nagtakaw daytoy iti selpon itay laeng nabiit.
Ti suspek ket maysa a lalaki, 27-anyos, awanan iti trabaho, ken residente sadiay Legarda Extension, Ferdinand Brgy., Baguio City.
Maibasar iti report ti pulisya, nakatugaw ti biktima iti restaurant a pag tratrabahuan daytoy ken imbatina ti selponna a Blue Infinix X689 iti rabaw ti lamesaan.
Apagbiit met a timmakder ti biktima ngem kellaat a naawan ti selpon daytoy.
Dagus met a nakita ti biktima ti suspek a tumartaray a paikkat ken nabaellanna a kamaten daytoy sadiay Jacinto Street.
Dagus met a nagresponde dagiti kameng ti pulisya a manarimaan nga agpat- patrolya ken agwanwanawan iti taray ti trapiko a nangitunda iti pannakakemmeg daytoy ken pannakarekober ti selpon ti biktima.
Kabayatanna, maisagsagana ti dokumento para iti panaka-inquest ti suspek.
