Inwaragawag ni Davao City Representative Paolo “Pulong” Duterte a naibaon dagiti pulis iti lugarda a katupag ti “panang-harass” iti pamiliada, ngem inlibak ti Philippine National Police ti nasao nga alegasion.
Iti statement ni Duterte, dumanon iti siam a pulo a personnel manipod iti Special Action Force (SAF) ken tallo pulo manipod iti PNP-Criminal Investigation and Detection Group (CIDG) ti simmangpet manipud Luzon.
Sigun kenni Duterte, konkondenarenna ti kaudian nga addang ti PNP-CIDG kontra iti pamiliana.
Kinunana a makaliday a makita dagiti nagsapata iti linteg a nagbalin a nabulsek—saan a babaen ti hustisia, no di ket babaen iti kuarta.
Nagbalakad ni Duterte kadagiti karaman iti mapapati a harrassment iti pamiliana.
Ngem iti maysa a press briefing, kinuna ni PNP spokesperson Police Brigadier General Jean Fajardo a pinaglibakan ni CIDG chief Police Major General Nicolas Torre III ti operasion.
