Idagdagadag ni Senate Majority Leader Francis Tolentino iti InfinitUs Marketing Solutions a sanguenna ti imbestigasion ti Senado imbes a mangiruar iti “statements” babaen kadagiti abogadona.
Kinuna ni Tolentino a saanda nga ilibak iti media dagiti alegasion nu diket sanguen ti nasao a kompania iti maangay a panagdengngeg inton Mayo a singko.
Bayat gamin iti panagdengngeg ti Senado, kinuna ni Tolentino a ti InfinitUs ti public relations firm a mapapati a kinontrata ti Chinese Embassy idiay Manila a mangtangdan kadagiti “trolls” para iti pro-China narratives.
Imbinglay pay ni Tolentino ti tseke manipud iti Bank of China Manila Branch a napetsaan iti Setiembre 2023 a nagbayad iti P930,000 iti InfinitUs para iti mapapati a service agreement iti Chinese Embassy.
Nupay kasta, inlibak ti InfinitUs a kinontrata ida ti Chinese Embassy sadiay Manila, ngem inaklonda a nakaawatda iti bayad manipud kadakuada.
