Saan a dinakamat ni President Ferdinand “Bongbong” Marcos Jr. ti nagan ni Las Piñas Representative ken Deputy Speaker Camille Villar iti panagbitlana bayat ti Alyansa Para sa Bagong Pilipinas campaign sortie.
Daytoy ti umuna a gundaway a saan a nainaganan ni Villar iti campaign speech ti presidente.
Kadawyan nga iyen-endorso ti presidente ti nasao nga opisial iti tunggal panagkampania dagitoy, uray no adda dagiti gundaway nga awan ni Villar.
Naobserbaran pay a mapukpukaw dagiti ladawan ni Villar iti stage backdrop.
Ti naudi a panangdakamat ti presidente iti nagan ni Villar ket bayat ti campaign speech daytoy idiay Lucena City.
Maipalagip nga idi napalabas a lawas, imbilin ni President Marcos ti panangimbestigar iti operasion ti PrimeWater Infrastructure Corporation gapu iti nagadu a reklamo maipapan iti serbisio daytoy.
Ti nasao a korporasion ket kukua ti pamilia Villar
