Nakasaganan ti munisipio iti Bakun, Benguet para inton May 12, Midterm Election.
Sigun kenni Richard Buenaventura, election officer sadiay, balligi ti final testing ken sealing ti automated counting machines iti nasao a munisipio.
Iti pannakiuman ti Bombo Radyo kenkuana, ti munisipio iti Bakun ti kaunaan a nangisayangkat iti centralize final testing ken sealing gapu iti kinaadayo dagiti dadduma a lugar sadiay.
Malaksid iti dayta, nalaklaka ti pannakaipatulod dagiti nadadael nga ACM iti Hub para iti pannakatarimaan daytoy.
Nupay kasta, kinuna ni Buenaventura a nasayaat amin dagiti kasasaad dagiti automated counting machines.
Kabayatanna, irugida nga ipatulod dagiti dadduma nga automated counting machines kadagiti asideg a lugar ti Bakun.
Naituding met a maipatulod intun May 9 ken 10 iti agdama a tawen kadagiti nasusulinek a lugar.
Mainaig iti dayta, impetteng ti nasao nga opisial nga awan ti kinaagpaysona ti sayanguseng a mabalin a maamuan ti siasinoman ti kandidato a binotosan ti botante.
Kinniddawna met iti publiko a saanda a patien ti nasao a sayangguseng.
Kabayatanna, inyunay-unay ni Buenaventura a mapalubusan ti kodego inton May 12 Midterm election.
Nupay kasta, nainget a maipawil ti panagaramat iti cellphone iti polling centers.
