Dua a Cordilleran nga agturpos iti Philippine Military Academy SIKLAB-LAYA Class of 2025 ti makaawat iti pammigbig.
Pakairamanan daytoy da Cadet First Class Tracy Anselmo Miranda manipod Bakakeng Central, Baguio City nga Athletic Saber Male Category Awaredee ken ni Cadet First Class Kint Pinas manipod Upper Wangal, La Trinidad, Benguet nga agturpos kas Cum Laude.
Iti naangay a Kapihan sa PMA idi May 7, 2025 a paset itinakalinya a graduation activities iti SIKLAB-LAYA Class of 2025, naiyam-ammo dagiti nasao a kadete babaen iti panagmartsada.
Iti statement ni Cadet First Class Pinas a naala iti Bombo Radyo, dagiti first part iti training wenno idi damo daytoy nga agsanay ti nagbalin a karigatan a paset iti panagtalinaedna iti nasao nga akademya nu sadino, inladawanna nga arigna ket nagback to zero ti biagna gapu iti naobserbaranna a dakkel a nagdumaan iti biag kas sibilyan ken biag kas militar.
Iti baet dayta, guyguyuguyen ni Pinas dagiti agtutubo a padasen dagitoy a sumrek iti akademya gapu ta sigun kenkuana, adu dagiti banag a maadal wenno masurusuro iti panagtalinaed sadiay.
Impettengna a saan a rumbeng nga agbuteng a rumwar iti comfort zone.
Mainaig iti dayta, dinakamat ti kadete nga uray daytoy ket saanna nga ammo dagiti amin a banag iti uneg iti akademya idi damona ti agtalinaed sadiay ngem nagbanag metlaeng nga iti nasao nga akademya ti nakasursurwanna iti selfless service iti Namarsua ken iti pagilian.//Rob
