Ammo yu kadi ka-Bombo a tallo nga ubbing sadiay Spain ket naispal gapu iti kina-marites wenno kinachismosa ti maysa a babai?
Naispal dagiti tallo nga ubbing a naipupok iti dakkel a pagtaengan.
Sigun kadagiti nagannak dagitoy, inpupokda ti annakda iti las-od ti uppat a tawen gapu ta saanda kayat a maakaran dagitoy iti sakit a coronavirus.
Ngem, iti panagnaedda sadiay Spain, maysa a babai a tsismosa ti nangipakaamo iti nadlawna iti kaarubana kadagiti otoridad.
Pinaliiwna ti kaarubana ken ditoy a nakitana a ti laeng ama dagitoy ti rumrumwar iti pagtaenganda bayat a dagiti ubbing ket saanna pay a nakita a rimuar ken mamingsan ket agsirsirip dagitoy iti tawa.
Ngem, ti nakaala iti atensyon ti babai ket ti kanayun a panakaideliver dagiti diaper iti laksid a nga agtawen iti walo agingga sangapulo dagiti ubbing.
Iti naisayangkat nga imbestigasyon dagiti otoridad, naiparang a ti pagtaengan dagitoy ket napun-punno iti diaper ken pads bayat a dagiti amin a tawa dagitoy ket nakarekkep.
Idi maipasidong dagiti ubbing iti medical examination, nakita a dagitoy ket nakapasar iti constipation gapu iti saanda a panakapalubos nga agaramat iti bathroom.
Kabayatanna, idi maipasidong ti aggasawa iti psychiatric tests, naduktalan a dagitoy ket addaan iti “COVID-19 anxiety syndrome.”
Iti agdama sumangsango iti patung-patong a kaso ti aggasawa kas iti domestic violence bayat a ti marites a kaaruba dagitoy ket mabigbigbig kas “bayani.”
