Mapatta-patta a dumanon iti 68.43 milion a Pilipino ti agbotos ita nga aldaw tapno agpili iti baro a dadaulo iti nasional ken lokal eleksion, sigun iti on Elections (Comelec).
Maibasar iti datos, dumanon iti 4.3 milion a Pilipino ti umuna a gundaway nga agbotos iti nasional elections ita a tawen.
Nagpalagip ti Comelec kadagiti agbotos a buklenen ti listaan dagiti kandidato nga ibotos.
Para iti nasional a puesto, mabalin nga agpili ti agingga 12 a senador ken maysa a party-list bayat a ti lokal a posision, karaman dagiti pagpilian nga ibotos ket kongreso, gobernador, bise-gobernador, miembro ti provincial board, mayor, vice-mayor, ken dagiti konsehal a nakadepende iti ili.
Sakbay ti panagbobotos, kasapulan a naawat dagiti botante ti Voter’s Information Sheet (VIS) a naglain ti napapateg a detalye a kas ti presinto, voting center, ken sample ballot. Mabalin metlaeng nga aramaten ti Comelec Precinct Finder online tapno mabirukan ti eksakto a lugar ti pagbotosan.
