Indeklara ti Court of Appeals a null and void ti desision ti Muntinlupa Regional Trial Court a mangabsuelto ken da sigud a Senador Leila De Lima ken Ronnie Dayan kadagiti naipila a kaso iti iligal a droga kontra kadakuada.
Iti sangapulo ket dua a panid a desision a napetsaan iti Abril 30, pinatgan ti Eighth Division ti CA ti petition for certiorari nga impila ti Office of the Solicitor General ken naisubli ti kaso iti Branch 204 ti Muntinlupa RTC.
Iti desision a naiwaragawag idi Mayo 12, 2023, kinuna ti korte ti Muntinlupa a ti pannakaikkat ti sigud a hepe ti Bureau of Corrections (BuCor) a ni Rafael Ragos ket rason tapno mapagduaduaan da De Lima ken Dayan a mairaman iti illegal drug trade iti uneg ti New Bilibid Prison.
Sigun pay iti nasao a korte idi July 6,2023, saan a napaneknekan ti naipila a reklamo gapu iti kinakurang ti “merit.”
Ngem kinuna ti Court of Appeals iti desisionna a ti desision ti Muntinlupa RTC ket napaay a mangpaneknek nu ania ti statements ni Ragos ti naikkat kontra kenni De Lima, ken dadduma pay a rason.
Kabayatanna, sigun met kenni De Lima, mangipilada ti apela agingga iti Korte Suprema.
Sigun kenkuana, saan a kayat a sawen a ti pannakaabsueltona ket mangipasimudaag a “final” ken “unappealable.”
