Idagdagadag ti Office of Civil Defense iti gobierno a kasapulan a maamuanen nu sadinno ti pangibangonan dagiti evacuation centers gaputa umasidegen ti wet season iti pagilian.
Sigun kenni Office of Civil Defense administrator Undersecretary Ariel Nepomuceno, numan pay saan a dagos a maibangon dagiti pasdek nga agserbi kas evacuation centers, kasapulan a maammuan nu sadinno ti pangibangonan dagitoy.
Aklonen ni Nepomuceno a karit kadakuada ti “availability” ti daga ken ti “accessibility” ti pannakaibangon dagiti agserbi kas evacuation.
Kabayatanna, insingasing ti nasao nga opisial ti pannakaibangon ti permanente nga evacuation centers kadagiti lugar a naapektaran ti Kanlaon Volcano gaputa dagiti klase kadagiti pagadalan nga agbalbalin nga evacuation areas ket maap-apektaran.
