Inyebkas ni ML party-list Representative-elect Leila de Lima a rumbeng nga ipakita ni President Ferdinand “Bongbong” Marcos, Jr. a napasnek ken desidido iti panaggandatna a “realign” ti administrasionna.
Daytoy ket kalpasan ti panangkiddaw ni President Marcos kadagiti kameng ti gabinetena a mangipaay ti courtesy resignations kalpasan ti midterm elections.
Para met kenni House Quad Committee chairperson ken Surigao del Norte Representative Ace Barbers, ti addang ti Presidente ket wagas tapno masukkatan dagiti “underperforming top government officials,” pakairamanan dagiti saan a mangidepensa kenkuana bayat a daytoy ken ti gobierno ket “under attack” manipod kadagiti kritiko wenno manipod kadagiti oposision.
Iti sabali a bangir, kinuna met ni House Minority Leader Marcelino Libanan ti 4Ps party-list a ti panagbalbaliw ti gabinite ket mangipakita iti “commitment” ti President iti “responsive” ken epektibo a panagturay.
