LA TRINIDAD, BENGUET – Manarimaan ti konstruksyon ti stairway ti overpass sadiay Km.5, La Trinidad, Benguet.
Daytoy ket iti batog ti La Trinidad Municipal Police Station Traffic Management Section.
Well-secured met ti panagtrabaho dagiti personnel iti stairway gapu ta pagpagnaan dagiti tattao ti batog daytoy.
Itay napalabas, immunan a naaramid ti stairway ti nasao nga overpass nga asideg iti nalatak a fast food restaurant.
Iti immunan a panakiuman ti Bombo Radyo kenni Mayor Romeo Salda, kinunana a mangnamnama daytoy nga iti bulan ti Hunyo ket malpas ti konstruksyon ti overpass.
Ti nasao nga overpass ket agbalin a katulungan tapno marisut ti nailet a gunay ti trapiko nangruna ket mabigbigbig kas bottleneck ti nasao a lugar no sadino daytoy ti merging points dagiti amin a lugan a paturong iti siudad ti Baguio, paturong sadiay Pico agingga Wangal ken lane paturong Km. 6, La Trinidad agingga Halsema Highway.
