--Ads--
Naipakammo a ti kangrunaan a rason kadagiti mapaspasamak a Vehicular traffic accidents iti siudad ti Baguio ket gapu iti human error kas iti kinakurang iti skill dagiti drayber ken gapu iti impluwensiya ti arak.
Sigun kenni PMaj. Lee Alvin Alinao manipud Baguio City Police Office, 90% kadagiti vehicular accidents ket gapu iti human error no sadino kaadoan a karaman iti daytoy ket dagiti turista a pasang-at wenno pasalog kadagiti kalsada.
Maibasar iti report, ngimmato iti 24.90% ti kaso ti vehicular traffic accidents manipud idi napalabas a tawen.
Daytoy ket gapu ta manipud iti 253 a kaso idi Enero 30, 2024 agingga Abril 30, 2024 ket nagbalin daytoy a 316 iti kapada a reporting period iti agdama a tawen.
