BAGUIO CITY – Irepresentar ni Mr. Peter John Balcita manipud Region I Electric Cooperatives Association, Inc. (RECA I) ti Luzon iti maangay a national rodeo sadiay Aklan inton Hunyo a singko agingga sais iti agdama a tawen.
Daytoy ket kalpasan a daytoy ti nagbalin a Grand Champion ti RODEO KING 2025 competition a naangay iti Melvin Jones Grandstand, Baguio City idi Mayo baente dos iti agdama a tawen.
Dagiti linemen manipud kadagiti nagduduma a Luzon Electric Cooperatives ket nangisayangkat iti nagduduma nga electricity line work kas iti pole erection, pole dressing ken undressing, Conductor Riding, Knot Tying, Emergency Response and First Aid, ken Rodeo King.
Ti Luzon summit ket nakipasetan ti Region I Electric Cooperatives Association Inc. (RECA I), Northern Luzon Electric Cooperatives Association (NELECA), Federation of Cordillera Region Electric Cooperative Association Inc. (FECOREC), CENTRAL LUZON ELECTRIC COOPERATIVES ASSOCIATION (CLECA), Association of Southern Tagalog Electric Cooperatives (ASTEC IV – A & IV – B), ken Bicol Electric Cooperatives Association (BECA).
Maipalagip a ti dua nga aldaw a summit ket inhost ti Benguet Electric Cooperative (BENECO).
