Nangrugi a nangibangon iti tree wires ti Benguet Electric Cooperative tapno makessayan dagiti saan a manamnama a brownout gapuanan ti panagsagid dagiti kayo ken dadduma pay a banag kadagiti linia iti kuryente.
Sigun kenni Melchor Licoben, general manager ng Beneco, in-inut nga iyak-akar iti kooperatiba ti pokusda manipod iti underground cabling paturong iti tree wires gaputa nalaklaka ken nalaka daytoy a maipatungpal.
Ti tree wires ket insulated wires a kabaelanna a maliklikan ti power interruption uray maisagid kadagiti kayo, ayop, wenno dadduma pay a banag.
Kinuna ni Licoben nga agar-aramatda iti high-voltage tree wires a kabaelanna a mangigem iti agingga iti 23 kilovolts.
Narugianen ti panangikabil kadagitoy kadagiti lugar nga addaan iti napuskol a kabakiran a kas ti Loakan Road ken kalsada a paturong idiay La Trinidad, Benguet nu sadinno kanayon a mailista ti pannakapukaw iti kuryente.
Innnayon pay ni Licoben nga agtaltalinaed a longterm plan ti underground cabling, ngem kasapulanna daytoy iti nainget a panagadal ken dakkel a pondo gapu kadagiti karit iti right-of-way ken terrain iti lugar.
Kabayatanna, iyak-akar metlaeng iti BENECO iti uneg iti daga ti sumagmamano a substation cables tapno mapagtalinaed ti kinadalus dagiti pasilidad ken makessayan dagiti aberya iti suplay iti kuryente.
