Impablaak ti Philippine National Police (PNP) nga aniaman a panangtiliw nga aramiden dagiti opisialna ket masapul nga adda ti ligal a pangibasaran.
Daytoy ket sigun iti baro a hepe ti PNP a ni Nicolas Torre III.
Sigun kenkuana, ti panangtiliw ti maysa a police officer ket maikonsiderar nu maikeddeng a mai-promote daytoy wenno saan.
Inlawlawag met ni PNP spokesperson Police Brigadier General Jean Fajardo a ti bilang dagiti natiliw nga inaramid ti maysa nga opisial ket maysa laeng kadagiti uppat a banag para iti promosion, agraman ti edukasion, eligibility, ken training.
Sigun kenni Fajardo, ti kinuna ni Torre ket maitunos iti nainget a panagreggetda kontra kriminalidad ken ti panangtiliw ket saan laeng a limitado kadagiti suspek iti iligal a droga.
Itay laeng nabiit, indagadag ti Commission on Human Rights kenni Torre a mangiruar ti nalawag a direktiba a ti panangtiliw ket saan a nakabasar iti bilang nu diket iti nasayaat a proseso iti panangtiliw ti maysa a tao.
