--Ads--
Saan a napatgan ti asylum application ni sigud a presidential spokeperson Atty. Harry Roque sadiay The Netherlands.
Daytoy ti pammati ni Department of Justice Secretary Jesus Crispin Remulla.
Kinuna ti nasao nga opisyal a posible a nagturong ni Roque sadiay Germany.
Nupay kasta, saan a makaipaay iti kanayunan nga impormasyon.
Maipalagip nga itay napalabas ket impeksa ni Atty. Roque nga awan ti maka-access iti asylum applicationna malaksid kenkuana ken ti gobyerno ti The Netherlands rason nga inlawlawagna a saan a pudno dagiti agwarwaras a sayanggusing a ti aplikasyonna ket saan a napatgan.
Iti agdama, awan pay ti komento ni Roque seknan iti kinuna ni Remulla.
