--Ads--
Impakaamo ti Iran a nangiyuswatda ti panagatake babaen iti missiles kadagiti US military bases idiay Qatar ken Iraq idi laeng kalman ti rabii kas sungbat iti panangbomba ti Estados Unidos kadagiti nuclear facility-na idi Domingo.
Sigun iti Iran, ti bilang dagiti missile a naipatayab ket kapada ti bilang dagiti bomba nga intinnag ti America.
Mapapati a ti panagatake ti Iran ket panangipakita iti tarigagayda a mangliklik iti nalawlawa a susik.
Impakaamo ti Iran ti nasao a banag babaen iti Supreme National Security Council.
Nakalanad iti statement a pinilida a puntiriaen ti base militar ti Amerika gaputa awan unay ti tao ken tapno maliklikan ti posible nga epektona kadagiti sibilian.
