Ceasefire agreement iti nagbaetan ti Israel ken Iran, saan paylaeng a naawat ti Iran sigun iti Iranian Foreign Minister

Inwaragawag ni Iranian Foreign Minister Abbas Araqchi nga awan ti naawat dagitoy a ceasefire agreement iti Israel.

Nupay kasta, kinunana nga iti kanito nga isardeng ti Israel ti panagraut, agsardeng met ti Iran.

Daytoy ti kinuna ni Aragchi, kalpasan nga inwaragawag ni US President a nangrugi ti katulagan itay agsapa.

Immunan a kinuna ni  US President Donald Trump a maipakat ti “complete and total” ceasefire iti nagbaetan ti Israel ken Iran tapno agpatingga ti 12 nga aldaw a giera iti nagbaetan ti dua a pagilian.