Bangkay ni Patrolman Harwin Curtney Baggay, ti pulis a pimmusay bayat ti panagrespondeda iti hold-up incident idiay Quezon City, naiyawiden idiay Kalinga

Naiyawiden ni Patrolman Harwin Curtney Baggay iti pagtaenganda idiay Kalinga ita a malem.

Indauloan ni PCol. James Mangili, Provincial Director ti Kalinga Police Provincial Office ti arrival honor kenni Patrolman Curtney Baggay.

Maipalagip a pimmusay ni Baggay kalpasan a pinaltugan ti holdaper bayat ti panagrespondenda iti insidente ti panaghold-up idiay Quezon City idi parbangon ti Hunyo 20.

Impeksa met ti Kalinga Police Provincial Office ti pannakipagriknada iti maseknan a pamilya ken binigbigda ti sakripisyo ken kinatured ni Patrolman Baggay.