--Ads--
Naidumduma a seremonya ti kasar ti naisayangkat sadiay San Pedro Huamelula, Mexico idi June 30.
Iti nasao a kasar, groom ni Mayor Daniel Gutierrez ken ti bride-na ket maysa a buwaya.
Nakawesan ti nasao a buwaya iti puraw a bistida bayat a natalian ti ngiwatna.
Paset daytoy ti nasurok, dua gasot a tawenen a tradisyon nga ar-aramiden dagiti katutubo sadiay no sadino, patienda a mangipaay daytoy iti nawadwad nga apit ken nawadwad a makalap nga ikan iti komunidad.
Iti nasao a ritual, inrepresentar ni Mayor Gutierrez ti ari ti etniko a grupo ti Chontal, bayat a ti buwaya ket mangisimbolo iti prinsesa manipud iti tribu dagiti Huave.
Maibilang ti kasar a sagrado a panagtipon ti dua a kultura, ken panangipakita iti relasion ti tao ken nakaparsuaan.
