--Ads--
Ibilbilang ita ti Department of Justice a suspek da Businessman Atong Ang ken aktress Grethen Barreto iti kaso dagiti sabungeros a mapukpukaw.
Sigun kenni Justice Secretary Jesus Crispin Remulla, nainagananen da Ang ken Barreto isu’t gapuna a nainayun dagitoy kas suspek.
Innayon ni Remulla a sukimaten paylaeng dagiti fiscal dagitI ebidensia, sakbay a maipila ti umno a kaso kontra kada Ang ken Barreto.
Kabayatanna, kinuna ni Baretto a makitinnulong iti kanito a nakasagana ti kampo daytoy.
Impeksa met ti legal counsel ni Ang a ni Atty. Lorna Patajo-Kapunan a makitinnulongda iti imbestigasyon seknan iti nasao a kaso.
