--Ads--
Pabor ni Mayor Benjamin Magalong a maipangato ti garbage fee iti siudad ti Baguio.
Iti interview ti Bombo Radyo, kinunana a kasapulan a maipangaton iti P100 tunggal bulan ti garbage fee, manipod iti sigud a P20 tunggal bulan.
Sigun kenkuana, nangato ti garbage fee iti dadduma a lugar isut gapuna a panawen metten a maipangato iti siudad.
Kinunanan a dakkel a tulong daytoy tapno ad-adda a mapasayaat ti panagkolektar ti basura.
Iti kanito a ngumato ti nasao a bayad, panggepna a mangimuntar ti garbage bin tapno saanen a maikabil dagiti basura iti daga, a rason ti pannakaiwaras dagiti toxic materials.
Iti agdama, maisingsingasing paylaeng ti nasao a pannakaipangato ti garbage fee iti city council.
