Agarup 132 dagiti nailista ken naisubmitir a barangay iti entero a rehion ti susceptible kadagiti panagregaay ti daga ken panaglayos, sigun iti Mines and Geosciences Bureau (MGB).
Iti pannakiuman ti Bombo Radyo kenni Frankie Cortez, Chief of the Operations Section ti Office of the Civil Defense- Cordillera, nakasaganan amin a lead agencies kas iti Local Government Units, DSWD, DICT, kameng ti pulisya ken dadduma pay para iti panagbantay kadagiti susceptible areas.
Sigun kenni Cortez, amin a probinsia ket susceptible a kas ti probinsia ti Abra, Apayao, ken kangrunaanna ti probinsia ti Benguet.
Kinunana nga iti agdama, awan pay ti severe floods ken landslide nga agkasapulan ti tulong manipod iti regional officer gaputa kabaelan dagiti lokal a gobierno ti aniaman a mapasaranda.//Bombo Noveh
