Nainget a pinaglibakan ti business tycoon a ni Atong Ang ti alegasyon kenkuana ni Julie”Dondon” Patidongan wenno alyas Totoy a nangidiaya daytoy iti PhP300-million tapno agulimek ken saanna nga iraman iti kaso dagiti mapukpukaw a sabungero.
Sigun kenni Ang, ni Patidongan a mismo ti nagkiddaw kenkuana iti nasao a gatad tapno saanen a mairaman iti nasao a kaso ken daytoy payen ti nangaramid iti affidavit of recantation.
Malaksid iti dayta,kinuna pay ni Ang a pinanggep ni Patidongan a dukuten ken papatayenna isuna.
Iti met benneg ni Patidongan, kinunana a ni Ang a mismo ti nangidiaya kenkuana ti PhP300-million kasukat ti panangibabawina kadagiti imbutaktakna nu sadino, maatap nga insingasing pay ni Ang nga ag-abroad lattan daytoy.
Kasta met a nainget a pinaglibakanna ti alegasyon kenkuana a dukuten ken papatayen ni Ang.
Maipalagip a ni Patidongan ti nangibutaktak a ni Ang ti mastermind iti panakapukaw dagiti sabungero a maatap a napapatay ken naidispatsa idiay Taal Lake.
