--Ads--
Agarup 3, 773 a pamilya ti naapektaran iti bagyo a Bising, sigun iti Office of the Civil Defense ita nga aldaw.
Maibasar iti report, dumanon iti 13, 006 nga indibidual ti naapektaran iti naglabas a bagyo a Bising nangruna sadiay Region 1 wenno Ilocos Region; Cordillera Administrative Region ken Region II wenno ti Cagayan Valley.
Manamnama met a manayunan ti bilang dagiti naapektaran nga indibidual bayat a maur-uray ti datos kadagiti Office of the Civil Defense field offices.
Awan met ti naipakaammo a casualty bayat a dagiti babbalay ti kangrunaan a naapektaran.
Maipalagip a ti bagyo a Bising ket immikat iti Philippine Area of Responsibility idi Biyernes.
