Nakasaganan ti lokal a gobierno ti siudad ti Baguio iti maisayangkat a Cordillera Day inton Hulio 15, 2025.
Iti pannakiuman ti Bombo Radyo kenni Mayor Benjamin Magalong, kinunana a manarimaan ti panagtrabaho ti technical working group iti nasao a banag.
Manarimaan metlaeng ti pannakikoordinarda iti NEDA ken dadduma pay a departamento tapno naannayas ti pannakaipatungpal ti nasao a programa.
Inlawlawag ni Magalong a ti kangrunaan nga ilablabanda iti panagrambak ti Cordillera Day ket ti otonomiya ti rehion.
Mainaig iti dayta, maragsakan ni Magalong iti pannangabak ni Mauricio G. Domogan kas Congressman iti siudad ti Baguio gaputa patienna a daytoy ti mangiduron ti otonomiya ti rehion iti Kongreso.
Aklonen ni Magalong a nalidayan daytoy kadagiti naglabas a congressmen gaputa awan ti nangpadas a mangipila ti otonomiya ti rehion.
Kabayatanna, awan ti naimbitaran a nangato nga opisial iti panagrambak ti Cordillera Day.
