Binabalaw ni Vice President Sara Duterte ti kooperasyon iti Pilipinas iti International Criminal Court seknan iti kaso ti ama daytoy a ni sigud a president Rodrigo Duterte.
Sigun kenni VP Sara, nakalidliday a maaramat ti pondo para kadagiti agtestigo kontra iti amana imbes koma a maaramat tapno matulungan dagiti Pilipino a maip-ipit idiay Israel ken Iran.
Immunan nga impakaammo iti Department of Justice a tallo agingga uppat a Pilipino nga agtestigo kontra kenni FPRRD ti asistaranda paturong iti International Criminal Court.
Inlawlawag ni Justice Secretary Jesus Crispin Remulla nga agasistar ti gobyerno para iti safety ken security needs dagiti agtestigo ngem saanen nga ibaklay daytoy ti panakaiturongda idiay The Hague, Netherlands.
Maipalagip a naarestar ni sigud a president Rodrigo Duterte idi bulan iti Marso nu sadino, dagus daytoy a naiturong ken nai-detain idiay The Hague,Netherlands.
