--Ads--
Pimmusay ti maysa a lalaki iti maysa a hotel idiay Barangay Kayang Hilltop, Baguio City idi laeng kalman.
Nabigbig ti pimmusay a ni Remberto Terceno, agtawen ti 55, tubo ti Pangasinan ken residente ti Kayang Hilltop.
Maibasar iti imbestigasion, ni Terceno ket “bedridden” iti dua a lawas gapu iti saan a nadakamat a sakit.
Mapapati a nagkedked daytoy nga agpataming iti pag-agasan.
Nasarakan ti nasao nga indibidual nga awanan ti biag babaen kadagiti staff a simrek iti kuartona tapno agdalus.
Kombinsido met ti pamilia a natay daytoy gapu iti natural a rason, isut gapuna a nagkedkedda a maipasidong iti autopsy.
