Agkidkidaw iti tulong ni Delia Legazpi nangruna ti para iti apokona a maladaga, no sadino daytoy ti maysa kadagiti pamilya a naapektaran ti panagregaay ti daga sadiay Purok 2, Outlook Drive, Baguio City.
Sigun kenni Legazpi, nakangngeg dagitoy ti arigna a nabtuug a banag iti yero sakbay a nadadael ti balay dagitoy.
Impeksana pay a nakitana a paturong ti yero kadakuada rason nga indurunna dagiti annakna iti maysa a silid dagitoy nga adaan iti pader.
Gapu iti impact ti insidente naiipit ti saka ti anakna daytoy a disenuebe anyos ngem kinatungtungana daytoy ta un-unaenna pay a tulungan dagiti uubbing.
Sigun pay kenkuana, kimalay-at daytoy ti bubong kadwana ti maladaga nga apokona sakbay nga insarunu pay dagiti daduma nga ubbing nga annakna.
Kinunana met a walo dagitoy nga agkakabalay.
Kabayatanna, impeksa ni Isidro Aquino kapitan ti nasao a barangay a gapu iti madama a construction ti riprap iti ngato a paset ti bantay ti rason nu apay a nargaay ti daga
Sigun kenkuana narba ti nasao a baro a riprap no sadino pitak pay ti nangidurun tapno ag-slide ti bantay.
Imbinglay ti kapitan nga awan ti evacuation ti barangay dagitoy ngem nakicoordinate-da metten iti City Disaster Risk Reducton Council.
Iti sabali a bangir, impeksa ni Ana Codly, City Social Welfare Worker nga adda ti lima a pamilya metlaeng a naapektaran.
Nupay kasta, nagturong dagitoy kadagiti kakabagyanda nga adda iti syudad tapno temporaryo a makipagnaed dagitoy.
Naipaayan metten dagiti naapektaran a pamilya iti emergency food pack.//Bombo Noveh Organo
