--Ads--
Kinumpirmar ti legal counsel ni sigud a President Rodrigo Duterte a saan a kayat ni Duterte a makibiang ni Harry Roque iti kasona iti sanguanan ti International Criminal Court.
Sigun kenni Atty. Nicholas Kaufman, maibilbilang a “fugitive” ni Roque ken maamak ni Duterte a maapektaran ti sangsangwenna a kaso.
Sigun pay kenkuana, saan a kayat ni sigud a presidente Duterte a makita wenno uray asistaran daytoy ni Roque.
Kabayatanna, impeksa ni Roque a suportaranna latta ti Legal Defense ni Duterte ken inyunay-unayna a tarigagayna laeng ti pannakaisubli ti sigud a presidente iti pagilian.
