--Ads--
Pimmusay ti innem nga indibidual bayat a nadangran ti dua kalpasan a nag-crashed ti Cessna plane iti residential compound sadiay Kenya idi August 07, 2025.
Sigun kadagiti otoridad, sumagmamano a medical staff ti nakalugan iti nasao a Cessna plane.
Kinuna ni Kiambu County Commissioner Henry Wafula nga uppat dagiti pimmusay a nakalugan iti nasao nga eroplano bayat a dua ti nairaman a pimmusay iti lokasion a nakatnagan daytoy.
Nagtaud ti Cessna plane iti Wilson Airport ngem naawan ti koneksion daytoy iti air traffic control, tallo a minus kalpasan nga immikkat.
Agtultuloy ti imbestigasion dagiti maseknan nga otoridad iti nasao nga insidente.
