--Ads--
Bambantayan ti Department of Health (DOH) ti kaso ti dengue iti pagilian.
Maibasar iti datos, dumanon iti 15, 161 ti kaso ti nasao a sakit manipud idi July 20 agingga August 2, 2025.
Sigun iti nasao nga ahensia, 2% a nangatngato no idilig iti 14, 909 a kaso a nailista manipud July 6 agingga July 19 iti agdama a tawen.
Daytoy ket kalpasan ti epekto dagiti tropical cyclones Crising, Dante ken Emong iti pagilian.
Nakaalerto paylaeng ti DOH kalpasan nga inwaragawag ti PAGASA ti posibilidad ti panagtudo kadagiti sumaruno nga al-aldaw.
Kabayatanna, nagpalagip ti DOH iti publiko a pagtalinaeden a nalinis ti aglawlaw.
