Impudno ni Senate President Francis “Chiz” Escudero a nangidonar ti Centerways Construction iti ₱30 million para iti kampanya daytoy idi 2022.
Nupay kasta, inlawlawagna a saanna a tinulungan ti nasao a construction firm a makaala iti big-ticket flood-control projects iti gobyerno.
Sigun kenni Escudero, nabayag a gayyemnan ti agtagikua iti Centerways Construction ken kinunana a nabayagen a tumultulong daytoy kadakuada.
Innayonna a saan pay daytoy miembro iti Senado ket addan iti maal-ala a dakkel a balor iti proyekto ti nasao a construction firm.
Kagiddan ti panangilawlawag ni Escudero a saanna a business partner ti Centerways Construction, kiniddawna ti panagpokus kadagiti opisyales iti gobyerno nga addaan kadagiti kompanya a nakaala kadagiti dadakkel a deals iti flood-control projects iti administrasyon.
