Kwinestyunaran ti maysa a manmanday linteg ti kredebilidad ti sworn affidavit ni Pacifico “Curlee” Discaya- ti maysa kadagiti kontraktor nga adda ti pakainaiganna kadagiti naanomalyaan a flood control projects.
Sigun kenni Representative Gerville Luistro, ti testimonya ni Discaya idi kalman ket naobsebaran a napnoan kadagiti inconsistencies ken inladawanna daytoy kas false testimony.
Innayonna a selective wenno napili laeng dagiti nagan nga imbutaktak ni Discaya gapu ta saanna a dinakamat ti full scope iti nasao nga iregularidad.
Dagiti nainame-drop a maatap nga adda pakainaiganna iti korapsyon ket iti sidong laeng iti agdama nga administrasyon rason nga nakiddaw met ti nagnagan dagiti addaan kapada nga aramid kabayatan ti naglabas nga administrasyon.
Nupay kasta, rumrumwar a nagkedked ni Discaya nga ibutaktak daytoy rason a mapagdudua-an ti testimonyana.
Gapu iti dayta, impettengna a nu nagsapata daytoy nga ibutaktak ti kinaagpayso, kasapulan a sapasap.
