Palso a damag sigun kenni Senate President Pro Tempore Panfilo “Ping” Lacson ti agwarwaras nga adda manen ti maipatungpal a panagbalbaliw iti liderato iti Senado nu sadino, maibagbaga nga addaan iti umdas a bilang tapno agbalin kas senate president ni Senator Allan Peter Cayetano.
Inladawan ni Senator Lacson a “Faky Breaky News” ti nasao a sayanggusing a sigun kenkuana ket addaan laeng panggep a gulwen ken allilawen ti publiko.
Ti nasao a tignay para kenni Lacson ket desperado ken malisyoso.
Innayonna a ti panagbalbaliw iti liderato iti Senado ket kasapulan a dumalan iti umno a proseso iti metlaeng uneg iti upper house iti Kongreso.
Maipalagip nga ita laeng a bulan ket nasukatan ti liderato iti Senado nu sadino, nagsubli kas Senate President ni Senator Vicente “Tito” Sotto III kasukat ni Senator Francis “Chiz” Escudero.
