Posible a sumukat nga House Speaker ni Isabela 6th District Representative Faustino “Bojie” Dy III kagiddan ti posible a panaglusulos ti adda iti takem a ni Martin Romualdez.
Sigun iti mapagtalkan a source, naikkaten dagiti daduma a kagawaan iti opisina ni Romualdez kas iti nameplate idi laeng rabii kagiddan ti naipadamag a panaglusulosna.
Malaksid iti dayta, nagturong metlaeng ni Romualdez iti Palasyo Malacañang tapno talantanenda kenni President Ferdinand Marcos Jr. ti panggepna a panangipila iti leave of absence iti Kamara kalpasan a naakusaran daytoy kas maysa kadagiti opisyales nga adda ti pakainaiganna kadagiti naanomalyaan a flood control projects.
Nupay kasta, agtalinaed latta ni Romualdez a miembro iti lower house ti Kongreso.
Ti panagsukat iti liderato iti Kamara ket posible a maipatungpal ita nga aldaw.
