Ngimmato iti 72 ti bilang ti pimmusay iti makapapatay a genggened idiay Cebu kas maibasa iti kaudian a bilang nga inruar ti National Disaster Risk Reduction and Management Council (NDRRMC) ita nga agsapa.
Sigun ken Office of Civil Defense (OCD) Region 7 Director Joel Erestain, amin a pimmusay ket manarimaan a maberberipikar.
Malaksid iti pimmusay, maiparparangarang iti datos ti nasao nga ahensia a 294 nga indibidual ti naireport a nadangran manipod iti panagdayyeg ti genggened idiay Cebu.
Kabayatanna, awan met ti naipadamag a mapukpukaw nga indibidual kas maibasar iti datos ti NDRRMC.
Ti magnitude 6.9 earthquake ket nagdayyeg idiay Bogo City, Cebu idi Martes a nangapektar iti 47,221 families wenno 170,959, ken 20,000 nga indibidual ti na-displaced, maibasar iti datos.
Agtultuloy met a marikrikna ti aftershocks iti nasao a probinsia, sigun iti Philippine Institute of Volcanology and Seismology (PHIVOLCS) nu sadinno, nakairekordda ti 2,461 sipud idi alas-6 ti agsapa ita nga aldaw.
